Navenda Ragihandinê ya Hêzên Sûriya Demokratîk (QSD) der barê pevçûnên li taxên Şêxmeqsûd û Eşrefiyê yên Helebê qewimîn û îdiayên dibêjin hêzên QSD`ê li wir in, daxuyaniyek da.
Di daxuyaniyê de hate destnîşankirin ku bûyerên li Helebê diqewimin, provokasyonên komên Hikûmeta Veguhêz e û ew hewil didin bi tankan derbasî her du taxan bibin.
Navenda Ragihandinê ev yek jî eşkere kir ku îdiayên hin medyayan ên ku dibêjin QSDˊê bendên kontrolê yên çekdarên Hikûmeta Veguhêz li derdora taxên Eşrefiyê û Şêxmeqsûdê yên bajarê Helebê hedef digirin, derew in.
QSDˊê diyar kir ku wan li gorî rêkeftina 1ˊê Nîsanê, hêzên xwe ji wir vekişandine, hêzên wan li wê herêmê tune ne û hemû îdiayên tên kirin, derew in.