Meclîsa Sûriya Demokratîk (MSD) derbarê hilbijartinên parlamentoyê yên ku ji aliyê Hikûmeta Veguhêz a Sûriyê ve hatine lidarxistin, daxuyaniyek nivîskî weşand.
Di daxuyaniyê de, MSD’ê diyar kir ku hilbijartinên Meclisa Gel a Sûriyê temsîla tevahiya herêman û hemû pêkhateyên Sûriyê nake.
MSD’ê hilbijartin wek şanoyeke siyasî nirxand û diyar kir ku hilbijartinên bi vî rengî, ne layîqî fedekariyên gelê Sûriyê ne.
Her wiha MSD’ê da xuyakirin ku ev hilbijartin şeklî ne, îradeya gelê Sûriyê temsîl nakin û pêwîstiya gelê Sûriyê bi hilbijartinên rasteqînî heye.
Di dawiya daxuyaniya xwe de, MSD’ê eşkere kir ku eger hilbijartin, ne di bin çavdêriya navneteweyî de bin û ne li ser bingeha wekhevî û dadmendiyê bin, wê ne rewa bin.