Li taxên Şêxmeqsûd û Eşrefiyê yên Helebê binpêkirin berdewam dikin û careke din ji aliyê Hêzên Hikumeta Veguhêz a Sûriyeyê ve 2 ciwanên ji taxên Şêxmeqsûd û Eşrefiyê hatin revandin.
Li gorî dîmenên Ajansa Hawarê belav kiriye, bûyer li derdora başûrê taxa Şêxmeqsûdê pêk hatiye. Li gorî dîmenan endamên rêbenda kontrolê ya Ewarid, du ciwanan dixin erebeyeke leşkerî ya spî û ber bi cihekî nediyar ve dibin.
Beriya vê bi çend rojan, endamên Hêzên Hikûmeta Veguhêz a Sûriyê, ciwanê bi navê Ebdo Merwan Şêxo li ser rêbenda kontrolê ya Suryan revandibû û li hember berdana wî 10 hezar dolar ji malbatê xwestibû.
© 2026 – NÛÇE TV Hemû maf parastî ne. Nûçe Rastî ye