Hevserokê Meclisa Giştî ya taxên Şêxmeqsûd û Eşrefiyê Nûrî Şêxo da zanîn ku hêzên hikumeta veguhêz a Sûriyê nahêlin kes derbasî her du taxan bibe.
Her wiha Nûrî Şêxo, diyar kir ku qutkirina rêyan, enternet, elektrîkê û qedexeya derbasbûna xwarin, derman, şîrê zarokan û sotemeniyê weke hewldana pêkanîna kiryarên li dijî sivîlan in.
Nûrî Şêxo eşkere kir ku di navbera komîteyên hikumeta veguhêz de nakokiyên hundirîn hene û bi destwerdana dewleta Tirk ve vekirina rêyan asteng dikin.
Tevî ku gel ji ber dorpêçê li her du taxan zehmetiyan dikşînin, hewldan û berxwedanên gelên Şêxmeqsûd û Eşrefiyê ji bo şikandina dorpêçê didomin.
