Wekîla DEM Partiyê Zeyneb Oduncu Kutevî li ser hesabê xwe yê X'ê dîmenên kêliya êrîşê parve kir û diyar kir ku karkerên demsal yên ji navçeya Sêwereg a Rihayê dema ji bo kar li Borê bûn rastî vê êrîşê hatine.
Karkerên di êrîşê de birîndar bûne rakirine Nexweşxaneya Perwerde û Lêkolînê ya Nîgdeyê.
Wekîla DEM Partiyê di parvekirina xwe ya medya dijital de wisa dibêje: "Karkerên demsalî, di nava vê pergala kedxwariyê ya bêdemsal de hema hema her sal rastî heqaret, cihêkarî û tundiyê tên.
Êrişa îro hatiye kirin, nîşan dide ku ewlehiya canê welatiyên me nehatiye parastin."
Zeynep Oduncu Kutevî, bang li Wezareta Karên Hundir û hemû rayedaran kir ku peywira xwe bi cih bînin.
Li aliyê din heya niha jî ji aliyê rayedaran ve ti daxuyanî di derbarê bûyerê de nehatiye dayîn.