Serokê Ûkraynayê Volodîmîr Zelenskî diyar kir ku Rûsyayê di meha Tîrmehê de bi zêdetirî 3 hezar û 800 dronan û nêzî 260 moşekan êrişî Ûkraynayê kiriye.
Zelenskî dest nîşan kir ku ew nêrîna Serokê Amerîkayê Donald Trump, rayedarên Ewropayê û hevkarên wan yên din têkildarî bûyeran û şermezarkirina Rûsyayê bi nirx dibînin.
Zelenskî bang li civaka navneteweyî kir ku li dijî Moskova tedbîrên tund bigire û li ser guhertina rejîmê li Rûsyayê xebatê bidin meşandin.
Zelenskî daxwaz kir ku pereyên Rûsyayê yên hatine cemidandin werin desteserkirin û got:
“Dem hatiye ku ew pere ji bo piştgiriya pergala parastinê ya Ûkraynayê û aştiyê werin bikaranîn."