Rêxistina Mafên Mirovan a HRANA`ê, di 24 demjimêrên dawî de, û heta 19'ê adarê, herî kêm 70 êrîş li 12 parêzgehan tomar kiriye.
HRANA ragihand ku di encamê de bi tevahî herî kêm 75 kes mirine (kuştî û birîndar, hem sivîl û hem jî leşkerî).
Êrîşên duh, deverên li herêma Deryaya Xezarê armanc girtine. Di heman demê de, êrîşên berfireh li ser tesîsên petrol û gazê yên Îranê li Asaluyeyê hatin kirin.
Li gorî agahiyên ku ji aliyê HRANA ve hatine tomarkirin û piştrastkirin, ji deqeyên pêşîn ên rojê heta dawiya 19'ê adarê herî kêm 25 sivîl hatine kuştin û 5 sivîl jî birîndar bûne.
Daneyên berhevkirî ji destpêka pevçûnê di 28'ê Sibata 2026'an de, li gorî danyeên ku hatine tomarkirin:
Kuştiyên sivîl: 1,394 kes (di nav de herî kêm 210 zarok).
Kuştiyên Leşkerî: 1153 kes.
Kuştiyên ku nehatine dabeşkirin (sivîl/leşkerî): 639 kes.
Dibe ku hejmarên ku di vê raporê de hatine pêşkêşkirin tevahiya zirarê nîşan nedin.
Şerê berdewam, zirara li binesaziyê, qutbûnên internet, gihîştina sînorkirî ya deverên bandordar, û xetereyên ewlehiyê ji bo çavkaniyan dihêle ku şiyana belgekirinan sînordar be.
