Agirbestê li Kuala Lumpur ku paytexta Malezya ye, ji aliyê Serokwezîrê Kamboçya Hun Manet û Serokwezîrê Tayland Anutin Charnvirakul ve hate îmzekirin.
Di dawiya tîrmehê de, aliyan bi navbeyinkariya Trump agirbesteke demkî îmze kiribûn.
Trump ew hevpeyman weke Peymana Aştiyê ya Mezin bi nav kir.
Lê belê Wezîrê Karên Derve yê Malezyayê Mihemed Hesen destnîşan kir ku belgeya nû “ ne peymana aştiyê ye, peymana agirbestê ye”.
Hesen got: “Armanc ew e ku agirbest neyê binpêkirin.”
Tayland jî diyar kir ku eger Kamboçya çekên xwe yên giran vekişîne, herêmên sînor ji mayinan paqij bike û sînor ji welatiyan re veke, ew ji hevdîtinan re vekirî ne.
