Îro 6 roj in gelê Îranê li dijî hikûmetê li qada ne.
Di derbarê xwepêşandanên li Îran û Rojhilatê Kurdistanê de, Serokê Amerîkayê Donald Trump li ser tora civakî ya Truth Social peyamek belav kir û ev peyam da
"Kuştina bi tundî ya xwepêşanderan "pratîka standard" a hikûmeta Îranê ye û Washington wê di rewşên wiha de bersiv bide.
Amerîka di hişyariya tevahî de ye û amade ye ku tedbîran bigire."
Aboriya Îranê di nav tevliheviyê de ye û gel ne kêfxweş e.
Her cara ku kombûnek çêdibe, ew guleyan li mirovan dixin û wan dikujin."
Hrana: Heta niha di xwepêşandanan de 8 kes hatine kuştin
Malpera mafên mirovan a HRANA'yê, ragihihand ku di van xwepêşandanan de kesên bi navê Emîr Husam Xudayarîferd, Daryoş Ensarî Bextiyarond, Ehmed Celîl, Secad Walamenş Zîlayî, Şayan Asedîlahî, Wehab Qaidî, Mustefa û Xudadad Şîrwanî Munferid hatine kuştin.
Xwepêşandanên li seranserê Îranê di 28'ê kanûnê de, piştî ku zêdebûnek berbiçav di bihayê dolar û zêr de li bazara Tehranê hat ragihandin, dest pê kirin.
Her wiha ev xwepêşandan hêdî hêdî li bajarên cuda yên Îranê belav bûn.
