Li gorî daxuyaniyê, sedema vê jî ew e, ku rojane 5 milyon metrekup ji ava kanalîzasyonê rasterast û bêyî ku were paqijkirin, li nav çem û çavkaniyên avê tê rijandin.
Daxuyaniyê diyar kir ku ava kanalîzasyonê tije madeyên pir jehrîn e û got:
"Mixabin welatî vê ava qirêj ji bo vexwarinê, karên malê, avdana zeviyan û xwedîkirina masiyan bi kar tînin.
Ev ava qirêj dibe sedema zêdebûna nexweşiyên giran di nav welatiyan de."
Çavdêriyê rexne li berpirsiyarên vê karesata jîngehî kirin û got ku wan tenduristiya gel paşguh kiriye.
Çavdêriya Kesk bang li hikûmet û rayedaran kir ku berpirsiyariya vê karesatê bigirin ser xwe û got ku ava kanalîzasyonê berî ku were rijandin nav çeman, divê were paqijkirin û parzûnkirin.