Serokwekîlê Koma CHP'ê Ozgur Ozel serdana Amedê kir.
Ozgur Ozel li balafirgehê ji aliyê endamên CHP'ê ve bi dahol û zirneyê, dirûşm û tîlîliyan hat pêşwazîkirin.
Welatiyên ku ji bo Ozel kom bûbûn, ji bo Ozel dirûşm berz kirin û pankart hilgirtin.
Ozgur Ozel di çarçoveya bernameya xwe ya Amedê de li Mizgefta Mezin piştî nimêja Înê bike, li navçeya Sûrê çû serdana dikandaran.
Ozgur Ozel: Amed ji qeyûman pir kişand
Ozgur Ozel li pêşiya Mînara Çar Ling daxuyanî da, tê de got:
"Me bi silava Demirtaş dest bi rojê kir.
Bi hatina me ya Amedê agahdar bû û bi rêya parêzerê xwe silav ji me re şand.
Silava wî, li ser navê hemû gelê herêmê, li ser serê me û çavê me ye.
Amed ji qeyûman pir kişand.
Bajarê herî zelal li hember qeyûman sekinî jî Amed e.
Piştî qeyûm li avahiya me erkdar kirin, me avahî li paş hiştin û em dimeşin.’
Ji aliyê din ve, Namzetê Serokomariyê ya CHP’ê Ekrem Îmamoglu ku li girtîgeha Sîlîvriyê girtiye, der barê betalkirina teqez a li hemberî CHP’ê de, ji rojnamegerê girtî Merdan Yanardag re hin nirxandinan kirin.
Ekrem Îmamoglu: Pêvajoya betalkirina teqez siyaseta qutbûna ji gel e
Îmamoglu wiha axivî:
Ez pêvajoya betalkirina tekez, weke kulmek mirovên ku ji siyasetê û ji gel hêviyên xwe qut kirine dibînim.
Komek mirovên ku di siyaset, çapemenî û darazê de bi cih bûne, hemû Tirkiyê esîr digirin.
Ferman jî Erdogan dide.
Ger bi talîmatên qesrê biryara tekez tê hildan, wê demê em ê jî çi hewce be bikin.
