Sivîlên li Sûdanê bi salane di şerê di navbera du alîyan de dibin qurbanî. Hêza paramîlîter RSF êrîş bir ser hêzên hikûmetê yên li Port Sûdanê. Di êrîşê de bi dehan sivîlan jîyana xwe ji dest dan.
Hikûmetê diyar kir ku di êrîşa RSF’ê de zêdetirî 35 sivîl ku piraniya wan jin û zarok bûn, hatin kuştin.
Êrîşa hêza paramîlîter bû sedema birîndarbûna bi dehan kesan.
Hate eşkerekirin ku di nava birîndaran de rûspî û rêberên din ên civakê jî hebûn.
Hikûmetê bûyer wekî "êrîşeke terorîst a plankirî" bi nav kir û wiha got:
“Operasyon ne bûyerek tesadufî bû, lê belê beşek ji planên îstîxbaratê yên sîstematîk bû."
Hikûmetê îdîa kir ku di êrîşê de fermandarekî payebilind ê (RSF)ê hatîye kuştin.
© 2026 – NÛÇE TV Hemû maf parastî ne. Nûçe Rastî ye