Ji ber şerê Amerîka û Îsraîlê yê li dijî Îranê û ne piştgirtiya NATO´yê, her diçe nerazîbûna Amerîkayê ji hevpeymana NATO´yê zêde dibe.
Marco Rubio, di hevpeyvînekê de ligel Fox News`ê, li ser şerê Îranê nirxandin kirin.
Rubio: NATO piştgiriyê nade me em çima di NATO`yê de ne?
Wezîrê Karên Derve yê Amerîkayê rexne li wan hevpeymanên NATO`yê girtin ku wan daxwaza Amerîkayê red kir û piştgirî neşandin Tengava Hurmizê û rê nedan bikaranîna baregehan û wiha anî ziman:
"Em ji wan naxwazin ku êrîşên asmanî bikin.
Dema ku pêwîstiya me bi bikaranîna baregehên wan ên leşkerî heye, bersiv "Na" ye.
Nexwe em çima di NATO´yê de ne?"
Rubio, diyar kir ku her diçe hevpeymaniya NATO´yê dibe peywendiyeke yekalî.
Rubio: Biryara dawiyê di destê Trump de ye
Marco Rubio, got ku biryara dawî ya li ser NATO´yê di destê Serokê Amerîkayê Donald Trump de ye û got:
"Piştî vî şerî, pêwîst e em vê peywendiyê ji nû ve binirxînin.
Pêwîst e em girîngiya NATO´yê û vê Hevpeymaniyê ji bo welatê xwe ji nû ve binirxînin."
Marco Rubio, li ser planên derbarê Îranê de, dest nîşan kir ku ew "xeta dawiyê dibînin" û got ku "Ne îro û ne jî sibe ye lê ew nêzîk dibe."
