Ajansa Neteweyî ya Lubnanê (NNA) ragihand ku balafirên şer ên Îsraîlê îro piştî nîvro parêzgeha Nebetiye û bajarokên başûrê Lubnanê bombebaran kirin.
Ajansê da zanîn ku êriş îro saet nêzî 14.15’an de hatin kirin û agahî dan ku deşta Eqmate û derdora Rîhan ên herêma Cebel El Rîhan, 2 êriş bi mûşekên ji hewa-erd li devera navbra bajarokên Ensar û Zerariyê yên parêzgeha Nebetiya hatin kirin.
Hate ragihandin ku 3 êriş li geliya navbera bajarokên Kefûra û Îza yên Nebetiyê hatin kirin.
Her wiha hat zanîn ku hemwextî êrişan balafirên şer ên Îsraîlê bi nizmî li ser bajarê Beilbek ê rojhilatê Lubnanê geriyan.
Der barê zerarên bombebaranê de agahî nehatin dayîn.
