Roja înê, serokê Amerîkayê bi riya telefonê bi her du aliyên şer re, axivî.
Piştî axaftina telefonê, Trump van gotinan kir:
“Tayland û Kamboçya li hev kirine.
Ji roja Înê pê ve hemû dijminatiyê rawestînin.”
Tevî îdiaya Trump a agirbesta nû, şerê di navbera Tayland û Kamboçyayê de berdewam dike.
Kamboçyayê îdîa kir ku Tayland li seranserê sînor bi top û balafirên şer êriş kiriye.
Ji aliyê din ve, artêşa Taylandî, hêzên Kamboçyayê bi hedefgirtina deverên sivîlan tawanba kir.
Tayland: Ji bo ewlehiyê wê operasyon bidome
Serokwezîrê Taylandê got:
“Em soz didin ku operasyonên leşkerî yên li dijî Kamboçyayê bidomînin,
heya ku em hîs bikin ku ax û gelê me êdî rastî zirar û gefan nayên.”
Di pevçûnên vê dawiyê yên li ser sînorê her du welatan de bi dehan sivîl hatin kuştin û zêdetirî 400 hezar kes jî koçber bûn.
