Piştî navbereke 7 salan, têkiliyên dîplomatîk ên di navbera Amerîka û Venezuelayê de, ji nû ve dest pê kirin.
Wezareta Gencîneyê ya Amerîkayê ragihand ku cezayên li ser banka navendî ya Venezuelayê û 3 saziyên din ên bankayî yên li welêt, hatine rakirin.
Rakirina hin cezayên aborî yên li ser Venezuelayê wekî beşek ji normalîzekirina gav bi gav a têkiliyên di navbera Washington û Karakasê de tê.
Ev yek piştî daxuyaniya Wezareta Derve ya DYA`yê di Adara borî de ya ji nû ve destpêkirina têkiliyên dîplomatîk ên di navbera herdu welatan de piştî qutbûna wan di sala 2019`an de tê.
Wezareta Xezîneyê rave kir ku banka navendî û 3 bankên din ên Venezuelayê "niha destûr in ku rêzeke xizmetên darayî peyda bikin, wekî rêvebirina hesabên bankê, derxistina kartan, veguhestina fonan û pêkanîna danûstandinên biyanî ji bo Venezuelayiyan li DYA`ê."
