Ev çend roje Bahoza Melisa ya li Karibê ku dikeve başûrê rojhilat yê Amerîkayê berdewam e.
Xelkên Karîb, li hemberî Bahoza Melissa ya ji destpêka hefteyê heya niha berdewam dike, li ber xwe dide.
Li gorî Navenda Bahozê ya Neteweyî ya Emerîkayê (NHC) bandora bahozê ya li ser Atlantîka Bakur kêm dibe lê belê li Kuba, Haîtî, Jamaîka û Komara Domînikê rîska lehiyê zêde ye.
Xanî hilweşiyan, tax di bin avê de mane û kanalên ragihandinê qut bûne.
Hikûmeta Jamaîkayê da zanîn ku herî kêm 19 welatiyên wê jiyana xwe ji dest dane û hate ragihandin ku binesaziya welêt zirareke mezin dîtiye.
Li Haîtiyê jî ji ber barînên zêde 30 kesî jiyana xwe ji dest dane û 20 kes jî winda bûne.
Li Kubayê jî zêdetirî 735 hezar welatî hatine veguhestin û piraniya torên ragihandin û hatûçûyê qut bûne.
Civaka navneteweyî alikariyekên mezin dide herêmê.
DYE’yê ji Jamaîka, Bahama, Haîtî û Komara Domînîkê re ekîbên rizgarkirinê şandin.
Venezûelayê ji Kubayê 26 hezar ton alîkariya mirovî şand.
El Salvadorê ji Jamaîkayê re 300 erkdarên rizgariyê û 50 ton alîkarî şand.
Fransa û Keyaniya Yekbûyî jî dan zanîn ku ew ê alîkariya lezgîn û piştevaniya fînansî bidin.
Li gorî pisporan faktora sereke ya bandora bahozê zêde dike, guherîna avûhewayê ye. Pispor diyar dikin ku li gel germbûna rûberê okyanûsan bahozên mezin zêdetir radibin.
