Îran û Dewletên Yekbûyî yên Amerîkayê piştî çend hefteyan ji dan û standinan, gihîştin rêkeftineke destpêkê.
Serokê Amerîkayê Donald Trump di bersiva rexnegirên îmzekirina peymana Îranê de, li ser Tora Civakî ya Truth Socialê nivîsek belav kir û wiha got:
Wêneyê belavoka Trump bi kat bîne
Wêne di navend de ye, di folderê min de, bi navê Trump
"Ev ehmeqên ku difikirin ku ez li hemberî Îranê têra xwe hişk nebûme,
Di demekê de ku bazara borsayê nû gihîşt asta bilind a rekorê û buhayên Petrolê dadikevin
an çavnebar in, an mirovên xerab in, an jî ehmeq in.
Werin em Amerîkayê dîsa mezin bikin."
Macron: Ev peyman rê li ber aştiyeke mayînde vedike
Serokê Fransayê Emmanuel Macron vîdyoyek weşand, dema ku Trump bîrnameya di navbera Tehran û Washingtonê de îmze dikir û wiha nivîsand:
"Ev peyman rê li ber aştiyeke mayînde vedike û dê rê bide vekirina Tengava Hurmizê.
Ev gaveke girîng e di rêça rast de ji bo hemwelatiyên me, ku dê di demeke nêzîk de buhayên enerjiyê kêm bike."
Mesûd Pezeşkiyan peymana bi Amerîkayê re îmze kir
Piştî ku Serokê Amerîkayê Donald Trump îmzekirina peymana 14 xalî ragihand.
Serokê Îranê Mesûd Pezeşkiyan îmzekirina peymanê ji hêla xwe ve jî eşkere kir.
Dezgehên çapemeniyê yên Îranê wêneyekî Pezeşkiyan weşandin ku peymana bi Amerîkayê re îmze dike.
Mihemed Şehbaz Şerîf jî peyman îmze kir
Têkildarî vê mijarê, Serokwezîrê Pakistanê Mihemed Şehbaz Şerîf, wekî navbeynkarê di navbera Îran û Amerîkayê de jî peyman îmze kir, ku ev peyman bi navê "Bîrnameya Aştiyê ya Îslamabadê" tê zanîn.
Beqayî: Materyalên Nukleerî dê neyên veguhastin
Her wiha, duh berdevkê Wezareta Karên Derve ya Îranê Îsmaîl Beqayî behsa materyalên nukleerî yên Îranê kir û wiha axivî:
"Me ji destpêkê ve gotiye ku materyalên nukleerî yên dewlemendkirî dê ji derveyî Îranê neyên veguhastin.
Sivikkirina materyalên dewlemendkirî ne vebijêrkeke nû ye.
Lê ew niha wekî vebijêrkekê hatiye destnîşankirin, da ku rê li ber vebijêrkên din bigire.
Vebijêrka ku ji bo me nayê qebûlkirin veguhastina materyalên nukleerî yên dewlemendkirî bo derveyî welêt e."
Vance: Ev bîrname li ser tevgeran dAisekine
Di heman demê de, Cîgirê Serokê Amerîkayê J.D. Vance ji Kanala CBN Newsê re got ku yek ji xalên bihêz ên sereke yên bîrnameya têgihîştinê ya bi Îranê re ew e, ku ew li ser reftaran disekine, ne li ser gotin û daxuyaniyan.
Cîgirê Serokê Amerîkayê J.D. Vance wiha lê zêde kir:
"Gelo ev rêberên nû dê bi awayekî cuda bi gel re tevbigerin?
Em bê guman vê yekê hêvî dikin.
Heke ne wiha be, em dikarin li gorî performansa wan a niha dadbariyê bikin.
Ji ber vê yekê ez dibêjim tiştê erênî yê vê bîrnameya têgihîştinê ev e, ku ne li ser gotinan e, lê li ser tevgerên wan e."
