Tîmên agirkujiyê bi alîkariya şêniyan hewldidin agir vemirînin.
Rêveberiya Tîmên Agirkujiyê ya bajarê Hesekê diyar kir ku wê tîmên zêdetir şandiye cihê bûyerê.
Li aliyekî din Şaredariya Dirbêsiyê bi daxuyaniyekê bangeke lezgîn li hemû kesên ku dikarin alîkariyê ji bo vemirandina agir bikin, kir.
Şaredariya Dirbêsiyê di banga xwe de wiha got:
"Em ji hemû kesên ku dikarin alîkariyê bikin, çi bi tankerên avê, kamyonan, an jî bi her rêbazek din a berdest dixwazin ku yekser ber bi rêya Zerkanê ve biçin da ku beşdarî vemirandina agir bibin.
Ji ber ku agir bi lez belav dibe, ber bi zeviyên çandiniyê û malan ve diçe û gefê li zirarên mezin dixwe.
Em ji her kesî dixwazin ku bi lez tevbigerin û bi tîmên agirkujiyê û rayedarên peywendîdar re alîkariyê bikin da ku jiyan û milkê xwe biparêzin."
Li gundê Qeyrewan a Dirbêsiyê şewat hat vemirandin
Di heman demê de agir bi li gundê Qeyrewan a Dirbêsiyê ket.
Tîmên agirkujiyê bi alîkariyên şêniyên herêmê şewata li herêma Qeyrewan a girêdayî bajarê Dirbêsiyê pêketiye vemirand.
Piştî çend edmjimêran ji xebata berdewam a vemirandin, şewat hat kontrolkirin.
