گرووپی مۆسیقای کوردیی "کۆما ئامەد" پاش نزیکەی ٣٠ ساڵ دابڕان، لە شانۆی هەوای کراوەی حەربییە جەمیل تۆپوزلو لە شاری ئەستەنبوڵ کۆنسێرتێکی مێژوویی ساز کرد و بە بەشداریی جەماوەرێکی زۆر دەستپێکی گەشتە هونەرییەکەیان بە گۆرانیی "ئامێدییە" ڕاگەیاند.
لە کۆنسێرتەکەدا، کە ژمارەیەکی زۆر لە کەسایەتییە سیاسی و بە ناوبانگەکان تێیدا ئامادە بوون، دیمەنی سەرنجڕاکێش تۆمار کرا؛
لەوانەش پەروین بوڵدان، جێگری سەرۆکی پەرلەمانی تورکیا، عەدنان سەلچوک مزراکلی، سەرۆکی پێشووی شارەوانیی گەورەشارەوانیی ئامەد، و سڕی ساڵیک، پەرلەمانتاری تورکیا، پێکەوە سەمایان کردو ئاهەنگیان گێڕا، ل
هەروەها هەر یەکە لە مێرال دانش بێشتاش، چەنگیز چاندەر، پەرلەمانتاری ئامەد، و ئەیوب بورچ، ڕۆژنامەنووس، لە نێو ئامادەبووانی کۆنسێرتەکەدا بوون و پشتیوانیی خۆیان بۆ ئەم گەڕانەوە هونەرییە دوپات کردەوە.