حزبی شیوعی کوردستان لە مەراسیمێکدا بە دروشمی "ژن هێزە، ژن شۆڕشە، ژن داهاتووە" خەڵاتی ڕێزلێنانی بە کۆمەڵێک ژنی سەرکردە بەخشی.
پاشنیوەڕۆی ئەمڕۆ مەڵبەندی سلێمانی حزبی شیوعی کوردستان، خەڵاتی ڕێزلێنانی پێشکەش بە هەشت ژن کرد، کە ڕۆڵیان لە پرسی نیشتمانی، یەکسانی و پرسی ژندا هەبووە.
مەراسیمەکە بە دروشمی "ژن هێزە، ژن شۆڕشە، ژن داهاتووە" بەڕێوەچوو .
لە مەراسیمەکەدا هەر یەک لە ئیلهام ئەحمەد، پەخشان زەنگەنە، سروە ناسری، خانم لەتیف ڕەحیم، سنەوبەر ئیسماعیل، نەرمین عوسمان، هانا شوان لەگەڵ دایکی پەرچەم خەڵاتەکەیان پێشکەش کرا.
