لە ناوچەیەکی فراوانی قەزای ئامێدی لە پارێزگای دهۆک، پرۆسەی بڕین و تێکدانی دارستانەکان بەردەوامە و بە گوتەی سەرچاوەکان، دارە بڕدراوەکان بە لۆری لەژێر چاودێریی سوپای تورکیادا بۆ ئەو وڵاتە دەگوازرێنەوە.
بەگوێرەی ئەو زانیاری و گرتە ڤیدیۆیانەی کە لە ناوچەی بەرواری باڵا و گوندی کەستە دەستکەوتوون، ڕووبەرێکی فراوانی دارستانەکانی ئەو ناوچەیە بڕدراون و خەریتەی سروشتیی ناوچەکە ڕووبەڕووی کاولکاریی گەورە بووەتەوە.
چالاکوانانی ژینگە و لایەنە پەیوەندیدارەکان هۆشداری دەدەن کە ئەم پێشێلکارییانە تەنها پرۆسەی بڕینەوەی دار نییە، بەڵکو لێکەوتەی مەترسیداری بۆ سەر ژینگە هەیە و زیانی گەورە و گەڕانەوە نەبوو بە سروشتی ناوچەکە دەگەیەنێت.
هەروەها ئاماژە بەوە کراوە کە بەهۆی دۆخی ئەمنی و گرژییەکانەوە، دانیشتووانی ڕەسەنی ناوچەکە ناتوانن بۆ سەر ماڵ، حال و باخەکانیان بگەڕێنەوە.
ئەم پێشێلکاری و چالاکییە سەربازییانەی تورکیا لە هەرێمی کوردستان لە کاتێکدا بەردەوامن کە هەوڵەکان بۆ پرۆسەی ئاشتی و چارەسەریی دیموکراتی بەردەوامن.