لە پەراوێزی 81ەمین کۆبوونەوەی گشتیی نەتەوە یەکگرتووەکان لە نیویۆرک، فوئاد حسێن، وەزیری دەرەوەی عێراق لەگەڵ ئەنتۆنیۆ گۆتێرێس، سکرتێری گشتیی نەتەوە یەکگرتووەکان کۆبووەوە و پێزانینی عێراقی بۆ ماوەی سەرۆکایەتییەکەی و پاڵپشتییەکانی نێردەی یونامی دەربڕی.
لە دیدارەکەدا، کە ڕۆژی هەینی 25ی ئەیلولی 2026 بەڕێوەچوو، تیشک خسترایە سەر قۆناغی داهاتووی پەیوەندییەکانی عێراق و نەتەوە یەکگرتووەکان لە سەردەمی دوای کۆتاییهاتنی ئەرکی یونامی لە 31ی کانوونی دووەمی 2025دا، و جەخت لەسەر بەردەوامیی هاوکارییە هاوبەشەکان کرایەوە.
وەزیری دەرەوەی عێراق سڵاو و سوپاس و پێزانینی سەرۆکوەزیرانی عێراقی گەیاندە سکرتێری گشتیی نەتەوە یەکگرتووەکان سەبارەت بە کۆتاییهاتنی ئەرکەکەی، و ستایشی هەوڵەکانی کرد لە پاڵپشتیکردنی بەردەوامی عێراقدا.
لای خۆیەوە، ئەنتۆنیۆ گۆتێرێس شانازیی قوڵی خۆی بە پەیوەندییە مێژووییەکانی لەگەڵ عێراق و شارستانیەتیی وڵاتەکەی دەربڕی و هیوای پێشکەوتن و خۆشگوزەرانیی زیاتری بۆ گەلی عێراق خواست.