پویا تالب نیا، بەڕێوەبەری گشتیی گەشتیاری، پشتوێن و کەلەپوری پارێزگای سنە ڕایگەیاند، لە ئێستادا 312 یەکە و دامەزراوەی گەشتیاری لە سەرانسەری پارێزگاکەدا چالاکن و خزمەتگوزاری بە سەردانیکەران پێشکەش دەکەن.
تالب نیا ئاماژەی بەوەش دا کە لە ماوەی ساڵی ڕابردوودا گرنگییەکی زۆر بە پەرەپێدانی کەرتی گەشتیاری دراوە و لەو چوارچێوەیەشدا مۆڵەتی دروستکردن و دامەزراندنی 11 دامەزراوەی نوێی گەشتیاری دەرچووە.
بەگوێرەی ئامارە فەرمییەکان، لە ماوەی ساڵی ڕابردوودا نزیکەی 329 هەزار کەس لە ناوەند و هاوینەهەوارە گەشتیارییەکانی پارێزگای سنەدا جێگیر بوون و ماونەتەوە، ئەوەش وەک نیشانەیەک بۆ سەرنجڕاکێشی و چالاکبوونی شوێنە گەشتیارییەکانی ناوچەکە لێکدرایەوە.
سەبارەت بە دۆخی گەشتیاریی بیانی، بەرپرسەکەی گەشتیاریی سنە ڕایگەیاند کە سەرەڕای ئەوەی لە ساڵانی ڕابردوودا ژمارەیەکی بەرچاو گەشتیاری بیانی سەردانی پارێزگاکەیان دەکرد، بەڵام ئەمساڵ بەهۆی کاریگەریی سزاکان و پەرەسەندنی گرژییەکان و هێرشە سەربازییەکان بۆ سەر ئێران، ژمارەی گەشتیارانی بیانی بۆ نزیکەی سفر دابەزیوە.