بەپێی ڕاپۆرتێکی ماڵپەڕی ئاکسیۆسی ئەمریکی، دۆناڵد ترەمپ تاوتوێی بڕیاری ئەنجامدانی هێرشی ئاسمانی بۆ سەر ژێرخانی وزەی ئێران لە ڕۆژانی داهاتوودا دەکات، بەڵام تاوەکو ئێستا بڕیاری کۆتایی لەسەر نەداوە.
ماڵپەڕی "ئاکسیۆس" لە سەرچاوە ئاگادارەکانەوە بڵاوی کردەوە، هێرشە پێشنیارکراوەکان بە ئامانجی خستنە ژێر پەستانی زیاتری ئێرانە تاوەکو مەرجەکانی ئەمریکا بۆ ڕاگەیاندنی ئاگربەست قبوڵ بکات.
لە ئەگەری پەسەندکردنی ئەم بڕیارەدا لەلایەن سەرۆکی ئەمریکاوە، ئەگەری بەشداریی ڕاستەوخۆی ئیسرائیلیش لە ئەنجامدانی ئەو هێرشانەدا بۆ سەر بنکە و ژێرخانەکانی وزەی ئێران لە ئارادایە.