لە شارۆچکەی کۆیە، ژمارەیەکی زۆر لە مووچەخۆران و خانەنشینان لەبەردەم بانکی باواجی کۆبوونەتەوە و قەرەباڵغییەکی زۆریان دروست کردووە بە مەبەستی وەرگرتنی شایستە داراییەکانیان.
ئەحمەد ئاسۆ، پەیامنێری مەیدانیی نووچە تیڤی لە کۆیە ڕایگەیاند کە لە بەیانییەوە ڕیزێکی درێژ لەبەردەم بانکی باواجی بەستراوە. بەشێکی زۆری ئەو مووچەخۆرانەی کە لە ناو ڕیزەکەدا لە چاوەڕوانیی وەرگرتنی مووچەکانیاندان، هاووڵاتیانی بەتەمەن و خانەنشینانن، کە لە دۆخێکی ماندووکەردا نۆرەیان گرتووە تاوەکو سەرەیان پێبگات.