وەزارەتی سامانە سرووشتییەکانی حکومەتی هەرێمی کوردستان بڕیاری دا پاڵپشتیی دارایی بۆ بەنزینی بازرگانی دابین بکات، بە مەرجێک نرخی هەر لیترێک بەنزینی جۆری (نۆرماڵ) لە بەنزینخانەکاندا بە 750 دینار جێگیر بکرێت.
بەپێی فەرمانێکی وەزاری کە لە ڕێکەوتی 13-08-2026 دەرچووە، جیاوازیی نێوان نرخی فرۆشتن و نرخی ڕاستەقینەی بازاڕ لەلایەن حکومەتەوە دابین دەکرێت.
هەروەها وەزارەتەکە ئاماژەی بەوە کردووە کە پرۆسەی دابەشکردنی بەنزینەکە بە هاوئاهەنگی لەگەڵ پارێزگاکان، ئیدارە سەربەخۆکان و بەڕێوەبەرایەتییەکانی نەوت و کانزاکان بەڕێوە دەچێت، و دەبێت کوالێتیی بەنزینەکەش بەپێی ڕێنماییە تەندروستی و ژینگەییەکان بێت.
کەمال محەممەد ساڵح، وەزیری سامانە سرووشتییەکان بە وەکالەت، جەختی کردووەتەوە کە ئەم فەرمانە لە ڕۆژی دەرچوونییەوە کاری پێدەکرێت.