دەستەی بەڕێوەبەریی ناوەندیی پارتی دیموکراسی و یەکسانیی گەلان (دەم پارتی)، ئامادەکاری دەکات بۆ سازدانی کۆبوونەوەیەکی نائاسایی بە مەبەستی هەڵسەنگاندنی رەشنووسی یاسای چوارچێوە، کە بڕیارە ڕادەستی پەرلەمانی تورکیا بکرێت.
کۆبوونەوەکە ئەمڕۆ کاتژمێر 15:00 بە سەرۆکایەتیی هاوسەرۆکانی گشتیی دەم پارتی، تونجەر باکرهان و تولای هاتیمۆغۆلاری، لە بارەگای ناوەندیی پارتی لە ئەنقەرە بەڕێوە دەچێت.
تەوەری سەرەکیی کۆبوونەوەکە، بەند و وردەکارییەکانی ڕەشنووسی یاسای چوارچێوە، ئەنجامی دانوستاندنەکان لەگەڵ پارتە سیاسییەکانی دیکە، و هەڵسەنگاندنی دوایین پێشهاتەکانی پەیوەندیدار بە پرۆسەی ئاشتی و کۆمەڵگەی دیموکراتی دەبێت.
لەلایەکی دیکەوە، ئاشکرا کراوە، کۆبوونەوەی ئاسایی و دەستەی بەڕێوەبەریی ناوەندیی دەم پارتی بڕیارە لە 12ی ئابی 2026 بەڕێوە بچێت.
دەستەی بەڕێوەبەریی دەم پارتی بۆ تاوتوێکردنی یاسای چوارچێوە کۆبوونەوەیەکی نائاسایی ڕێکدەخات
