موراد قەرەیلان، ئەندامی فەرماندەیی ناوەندی پاراستنی گەل (نەپەگە)، بە بۆنەی 42ەمین ساڵیادی هەڵمەتی 15ی تەباخەوە پەیامێکی بڵاو کردەوە و تێیدا جەختی لەوە کردەوە کە سەرەڕای گرنگیی یاسای چوارچێوە، بەڵام پێویستە کەموکوڕییەکانی پڕ بکرێنەوە و ئازادیی فیزیکیی عەبدوڵڵا ئۆجەلان مەرجی سەرەکیی سەرکەوتنی پرۆسەکەیە.
قەرەیلان لە پەیامەکەیدا ڕەخنەی لەوە گرت کە یاساکە باسی کورد و دیموکراسی ناکات و تەنیا لەسەر بنەمای چەکدانان دابڕێژراوە.
گوتیشی کە تاوەکو ڕێبەر ئاپۆ لە زینداندا بێت، داواکردنی چەکدانان ناکۆکە لەگەڵ واقعدا. هەروەها داوای دروستکردنی "کۆمسیۆنی دادپەروەری و دەرخستنی ڕاستییەکان"ی کرد بۆ ئاشکراکردنی کۆمەڵکوژییە مێژووییەکان.
هەروەها دووپاتی کردەوە کە ئەوان ئامادەن تێکۆشان بۆ زەمینەی سیاسەتی دیموکراتیک بگوازنەوە.