ژووری بازرگانی و پیشەسازیی ئامەد و وەقفی میزۆپۆتامیا، ڕێککەوتنێکیان بۆ بەهێزکردنی زمانی کوردی لە بواری ئابووری و بازرگانیدا واژۆ کرد.
بە گوێرەی ڕێککەوتنەکە، فەرهەنگێکی زاراوەکانی ئابووری بە ٥ زمان ئامادە دەکرێت و نزیکەی ٥ هەزار زاراوەی ئابووری لە بوارەکانی وەک دارایی، وەبەرهێنان، بەرهەمهێنان، بازرگانیی دەرەکی و پیشەسازی، لەسەر بنەمای شێوەزاری کرمانجی وەردەگیرێن.
ئەو زاراوانەی لە فەرهەنگەکەدا دەبن، لەگەڵ هاوواتاکانیان بە زمانەکانی تورکی، فارسی، عەرەبی و ئینگلیزی دادەنرێن.