بەڕێوەبەریی تەڤگەر لەبارەی بڵاوبوونەوەی کۆنووسی دیدارەکانی ئیمراڵی ڕاگەیەندراوێکی بڵاوکردەوە و ڕایگەیاند؛ ئەو نووسراوانەی لە تۆڕە کۆمەڵایەتییەکاندا بڵاو کراونەتەوە، هیچ بنەمایەکی نییە و دەستکاری کراون بۆ چەواشەکردنە.
لە راگەیەندراوەکەدا ئاماژە بەوە کراوە کە بڵاوکردنەوەی ئەم زانیاریە ناڕاستانە لەم قۆناغەدا پڕۆسەیەکی مەبەستدار و پلانی بۆ داڕێژراوە لەلایەن دژبەرانی پڕۆسەی ئاشتییەوە، بە ئامانجی تێکدانی دۆخەکە و شێواندنی ڕاستییەکان.
هەروەها جەخت کرایەوە کە پێویستە گەل و رای گشتی تەنها پشت بە ڕاگەیەندراوە فەرمییەکانی شاندی ئیمراڵی و بەڕێوەبەریی تەڤگەر ببەستن و بە هیچ شێوەیەک باوەڕ بەو زانیارییە ناڕاست و پڕوپاگەندانە نەکەن کە لە سەرچاوەی دیکەوە بڵاو دەبنەوە.