دەم پارتی لە ڕاگەیەندراوێکدا ڕەخنەی تووندی لە بەرتەسککردنەوەی فەزای دیموکراسی و بلۆککردنی ئەکاونتەکانی سۆشیال میدیای ڕۆژنامەنووسان و نووسەران گرت، و دەستبەسەرکردنی ئەمڕۆی مێرتکان تیتیز، هاوسەرۆکی پێکهاتەی (SYKP) و ئەندامانی (ESP)ـی سەرکۆنە کرد.
لە ڕاگەیەندراوەکەدا هاتووە کە بەڕێوەبردنی پرۆسەی ئاشتی لە لایەک و بەرتەسککردنەوەی ئازادییەکان و چەوساندنەوە لە لایەکی دیکەوە جێی متمانە نییە.
جەختی کردوەتەوە کە زمانی ئاشتی و پراکتیزەکردنی چەوساندنەوە ناتوانن پێکەوە بژین، هەروەها گەیشتن بە تورکیایەکی ئارام بۆ 86 ملیۆن هاوڵاتی تەنیا بە سەروەری یاسا و دیموکراسیی زیاتر دەکرێت.