ئێوارەی ئەمڕۆ دووشەممە ئاگرێک لە ناو بارەگایەکی هێزە تایبەتەکانی عێراق لە بارەگای ئاسمانیی عەین ئەسەد لە پارێزگای ئەنبار لە ڕۆژئاوای عێراق کەوتووەتەوە.
ڕاستەوخۆ دوای ڕووداوەکە، تیمی بەرگریی شارستانی بە هاوکاریی تانکەرەکانی ئاوی سوپای عێراق ڕەوانەی شوێنی ئاگرکەوتنەوەکە کراون بۆ کوژاندنەوەی ئاگرەکە و ڕێگری لە تەشەنەکردنی بۆ بەشەکانی دیکەی بارەگاکە.
بە گوێرەی زانیارییەکان، تاوەکو ئێستا ڕووداوەکە هیچ زیانێکی گیانی لێ نەکەوتووەتەوە، بەڵام بووەتە هۆی سووتانی زیاتر لە حەوت کارەڤانە لە ناو بارەگاکەدا. لایەنە پەیوەندیدارەکان و تیمەکانی بەرگریی شارستانی لە شوێنی ڕووداوەکە بەردەوامن لە کۆنتڕۆڵکردنی تەواوەتیی ئاگرەکە و لێکۆڵینەوە لە هۆکاری کەوتنەوەی.
ئاگر لە بنکەی سەربازی عەین ئەسەد کەوتەوە
