ئەمڕۆ لیژنەی بەدواداچوون بۆ ناردنی 50 هەزار بەرمیل نەوتی ڕۆژانە بۆ هەرێمی کوردستان لەگەڵ باسم محەممەد خەیری، وەزیری نەوتی عێراق و کۆمپانیای سۆمۆ کۆ بووەوە، لە کاتێکدا سیپان شێروانی، ئەندامی پەرلەمانی عێراق دەڵێت وەزیری نەوت ڕایگەیاندووە بەغدا ناتوانێت سووتەمەنیی پاڵپشتیکراو بۆ هەرێمی کوردستان دابین بکات.
لە بەرامبەردا غالب محەمەد، ئەندامی پەرلەمانی عێراق ئاماژە بەوە دەکات کە وەزیر گوتوویەتی بە مەرجی پێدانی پشکی نەوت دەتوانن سووتەمەنی بنێرن.
لە کۆبوونەوەکەدا باس لەوەش کراوە کە سبەی وەزیری سامانە سروشتییەکانی هەرێمی کوردستان لەسەر پرسی سووتەمەنی بانگهێشت دەکرێت.