وەزارەتی پەروەردەی حکومەتی هەرێمی کوردستان لە گشتاندنێکدا بۆ سەرجەم بەڕێوەبەرایەتییە گشتییەکانی پەروەردەی پارێزگا و ئیدارە سەربەخۆکان، زنجیرەیەک بڕیاری نوێی سەبارەت بە سیستمی پەڕینەوە (عبور) و بڕیاری بەخشینی پێنج نمرەکە ڕاگەیاند.
بە گوێرەی نووسراوێک، کە واژۆی نورەدین عوسمان سەعید، بەڕێوەبەری گشتیی تاقیکردنەوەکانی لەسەرە و پشت بە کۆبوونەوەی ئەنجوومەنی وەزارەت لە رێکەوتی 10ی ئەیلوولی 2026 دەبەستێت، ئەم بڕیارانەی خوارەوە دراون:
- هەڵوەشاندنەوەی بابەت و سیستمی پەڕینەوە بۆ سەرجەم پەیمانگەکان هەڵپەسێردراوە و کارکردن بەم بڕیارە تاوەکو ساڵی خوێندنی (2027-2028) بەردەوام دەبێت.
- هەڵوەشاندنەوەی بڕیاری دەرچوون لە یەک بابەت (بە نمرەی 40 و زیاتر) بۆ پۆلەکانی 4 تاوەکو 11 تاوەکو ساڵی خوێندنی (2027-2028) دواخرا.
ئاماژە بەوە کراوە، پێویستە خوێندکار دوای سوودمەندبوون لە بڕیاری بەخشینی پێنج نمرەکە، سەرجەم بابەتەکانی بە نمرەی دەرچوون (50 و بەسەرەوە) بەدەستبهێنێت.
وەزارەتی پەروەردە جێبەجێکردنی سیستمی پەڕینەوە (عبور) و بڕیاری بەخشینی پێنج نمرەی دواخست
