ئەمشەو لە ماوەی کەمتر لە ٣٠ خولەکدا، دەنگی شەش تەقینەوەی زۆر بەهێز لە ئاسمانی شاری هەولێر بیستران. دەنگەکان هێندە بەهێز بوون لە زۆربەی گەڕەکەکانی شارەکە بیستراون و بوونەتە هۆی لەرینەوەی دەرگا و پەنجەرەی ماڵان.
لە ئەنجامی بەدواداچوونەکاندا دەرکەوتووە کە لە هەولێر دوو ڕووداوی جیاواز یان پەیوەندیدار ڕوویان داوە:
١. دەنگی تەقینەوەکان لە ئاسمانی هەولێر
سەرەتا دەنگی شەش تەقینەوەی بەهێز لە ئاسمانی هەولێر و بەتایبەت لە نزیک ناوچەی فڕۆکەخانە و پایەگای ئاسمانیی هەولێر بیسترا، کە بەپێی زانیارییە سەرەتاییەکان پەیوەندیدار بوون بە کارکردنی سیستەمی بەرگریی ئاسمانی.
٢. بەئامانجگرتنی بنکەکانی پارتی ئازادیی کوردستان (پاک)
هاوکات لەگەڵ ئەم ڕووداوەدا، پارتی ئازادیی کوردستان (پاک) کە حیزبێکی ئۆپۆزسیۆنی کوردی ڕۆژهەڵاتی کوردستانە، ڕاگەیەندراوێکی بڵاوکردەوە و تێیدا ئاشکرای کرد کە بنکە و بارەگاکانیان لە پارێزگای هەولێر لە ڕێگەی دوو هێرشی مووشەکییەوە کراونەتە ئامانج، بەڵام بەرپەرچ دراونەتەوە و هێرشەکان ڕێگرییان لێکراوە.
نوێ دەکرێتەوە...