فورکان ئۆغلاک، گەنجێکی تەمەن 18 ساڵی کورد کە بۆ کار ڕووی لە ناوچەی چاتال-زەیتونی سەر بە شاری کاستامۆنو کردبوو، لە کاتی گەشتەکەیدا بەهۆی گوێگرتن لە مۆسیقای کوردی ڕووبەڕووی هێرش بووەوە و دواتر بە تۆمەتی "پڕوپاگەندەی ڕێکخراوی تیرۆریستی" دەستگیر کرا.
ڕووداوەکە لە 28ـی تەممووزی 2026 تۆمار کراوە. بەپێی زانیارییەکان، ناوبراو لە کاتی گەشتەکەیدا لەلایەن کەسانی دەوروبەرییەوە بە گوتنی قسەی نەگونجاو و بە ناوی "تیرۆریست" سکاڵای لەسەر کراوە و پۆلیس دەستگیری کردووە.
دوای دەستبەسەرکردنی، دادگە بڕیاری زیندانیکردنی بۆ دەرکردووە و ڕەوانەی زیندانی جۆری (E)ی کاستامۆنو کراوە.
هەروەها بڵاوکراوەکانی لە تۆڕە کۆمەڵایەتییەکانیش خستوونەتە سەر دۆسیەکەی.
لەلای خۆیەوە، بلال ئۆغلاک، باوکی فورکان، ڕایگەیاند کە کوڕەکەی لە زینداندا لە ژووری تاکەکەسی و گۆشەگیردا ڕگیراوە، چونکە هیچ زیندانییەکی سیاسیی تر لەو زیندانەدا نییە.