هاوسەرۆکی پێشووی شارەوانی ئامەد دوای ئه‌وه‌ی دوێنێ له زیندان ئازاد بوو، ئه‌مڕۆ سەردانی گۆڕی سڕی سوڕەیا ئۆندەر سیاسەتمەدار و ئەندامی شاندی ئیمڕاڵی کرد، دواتر چووه ئامه‌د و له‌لایه‌ن جه‌ماوه‌رێكی به‌رفراوانه‌وه پێشوازی لێكرا.
سەلجوق مزراکڵی هاوسەرۆکی پێشووی شارەوانی ئامەد کە ماوه‌ی حەوت لە زیندانی ئێدیرنە زیندانی بوو ئه‌مڕۆ سەردانی گۆڕی سڕی سوڕەیا ئۆندەری كرد و ڕایگەیاند، ئۆندەر میراتێکی گه‌وره‌ی لەدوای خۆی بەجێهێشتووە و لەسەر ڕێبازەکەی ئەو درێژە بە تێکۆشان دەدەن.
دوابەدوای ئەم سەردانەش مزڕاکڵی لە ئەستەنبوڵەوە گەڕایەوە بۆ ئامەدی باکوری کوردستان و لەلایەن جەماوەرەوە پێشوازیی لێکرا و پاشان ڕایگەیاند، بنیادنانی ئاشتی پێویستە ببێتە ئامانجی سەرەکی هەمووان، بەتایبەت ئەو کەسانەی بەدەست نەبوونی ئاشتی و دیموکراسی تورکیاوە ناڵاندوویانە.
گوتیشی، پێشلکارییە یاساییەکان لەم چەند ساڵەی ڕابردوودا زۆرترین زیانی بە دیموکراسی وڵاتەکە گەیاندووە و بۆ بنیادنانی ئاشتی پێویستە یاسا و دروستی نێوان لایەنەکان بوونی هەبێت.