سەرۆکی ئەنجوومەنی نوێنەرانی عێراق بە سەرۆکایەتیی شاندێکی باڵای پەرلەمانی و لەسەر بانگهێشتی فەرمیی هاوتا تورکەکەی، گەیشتە پایتەختی تورکیا بە مەبەستی پەرەپێدانی پەیوەندییە دوقۆڵییەکان.
هەیبەت حەلبووسی، سەرۆکی ئەنجوومەنی نوێنەرانی عێراق، بە یاوەریی شاندێکی پەرلەمانی گەیشتە ئەنقەرەی پایتەختی تورکیا و لەلایەن نوعمان کورتولموش، سەرۆکی پەرلەمانی تورکیاوە پێشوازیی لێ کرا. سەردانەکە لەسەر بانگهێشتی فەرمیی لایەنی تورکی ئەنجام دراوە.
بەپێی ڕاگەیەندراوێکی فەرمیی نووسینگەی ڕاگەیاندنی سەرۆکی ئەنجوومەنی نوێنەران، ئامانجی سەرەکیی ئەم سەردانە بریتییە لە برەودان بە پەیوەندییە پەرلەمانییەکان و بەهێزکردنی ئاستی هەماهەنگیی دیپلۆماسیی نێوان هەردوو وڵات.
بڕیارە لە چوارچێوەی ئەم سەردانەدا، حەلبووسی و شاندە یاوەرەکەی زنجیرەیەک دیدار و کۆبوونەوەی فەرمی لەگەڵ بەرپرسانی باڵای تورکیا ساز بکەن و دۆسیە ناوچەییەکان و پرسە هاوبەشەکانی نێوان بەغدا و ئەنقەرە تاوتوێ بکەن.