مەزڵوم عەبدی، ڕاوێژکاری سەرۆکایەتیی کۆماری سووریا، لەگەڵ زیاد ئەلعایش، نوێنەری کۆمیتەی بەدواداچوونی سەرۆکایەتیی کۆمار بۆ ڕێککەوتنی ٢٩ی کانوون و پارێزگاری دێرەزوور، هەروەها نورەدین ئەحمەد، پارێزگاری حەسەکە، کۆبووەوە.
لە کۆبوونەوەکەدا، کە لە چوارچێوەی بەدواداچوونی ڕێککەوتنەکەدا بەڕێوە چوو، هەڵسەنگاندن بۆ ڕەوتی پرۆسەی تێکەڵاوبوون (ئینتێگراسیۆن) کرا.
هەروەها تیشک خراوەتە سەر دۆخی دامەزراوە خزمەتگوزارییەکان لە پارێزگای حەسەکە، چۆنیەتیی دووبارە چالاککردنەوەیان و بەهێزکردنی هەماهەنگیی نێوان لایەنە پەیوەندیدارەکان بۆ خزمەتکردنی زیاتری ناوچەکە.