پەروین بوڵدان، ئەندامی شاندی ئیمراڵی لە ڕێوڕەسمی پێشوازیکردنی پەرلەمانی تورکیادا، وەڵامی پرسیاری ڕۆژنامەنووسانی دایەوە و ڕایگەیاند، پێویستە بە زووترین کات دەستەی بەدواداچوون پێکبهێنرێت.
پەروین بوڵدان ڕاشیگەیاند: کەی دەستەی بەدواداچوون پێکهێنرا، ئێمەش وەک دەم پارتی ئەندامانی خۆمان ڕادەسپێرین، پێویستە بێ ئەوەی کات بەفیڕۆ بدرێت، لە نزیکترین کاتدا ئەم دەستەیە پێکبهێنرێت.
پەروین بوڵدان لە ڕاگەیەندراوەکەیدا سەرنجی خستە سەر ڕەوشی جان ئاتالای، پەرلەمانتاری دەستبەسەرکراوی پارتی کرێکارانی تورکیا و گوتی: جان ئاتالای ئەندامێکی ئەم پەرلەمانەیە و پێویستە لە نزیکترین کاتدا ئازاد بکرێت. ئەمڕۆ ئێمە وەک دەپ پارتی وێنەکەی ئەومان لەسەر کورسییەکانمان دانا. پێویستە لە نزیکترین کاتدا ئەو پەرلەمانتارە ئازاد بکرێ.