ڕێکخراوی ژینگەدۆستی زاگرۆس لە ڕۆژهەڵاتی ڕۆژهەڵاتی کوردستان ڕایگەیاند، بڕینەوە و تاڵانی داربەڕووەکانی هەرێمی کوردستان لە لایەن تورکیاوە، بە یەکێک لە کارەساتبارترین تاوانە ژینگەییەکان ناوی دەبات و داوای ڕاگرتنی دەکات.
ڕێکخراوی ژینگەدۆستی زاگرۆس لە ڕاگەیەنراوێکدا دەڵێ، پاکتاوکردنی دارستانەکان تەنها بڕینی دار نییە، بەڵکو تێکدانی هاوکاتی تەواوی ژینگەیە و دەبێتە هۆی لاوازکردنی توانای خاک و سەرچاوەکانی ئاو، هەروەها ژیانی هەموو ئاژەڵە کێوییەکان لەناو دەبات.
لە ڕاگەیەنراوەکەدا هاتووە، داوا لە حکومەتی هەرێمی کوردستان و ڕێکخراوە ژینگەییەکان دەکەین لە ئاست ئەم قەیرانەدا بێدەنگ نەبن و بەرپرسیارێتی مێژوویی خۆیان جێبەجێ بکەن.
دەشڵێ، هەڵوێست و بێدەنگی لایەنە بەرپرسەکان و ڕێکخراوەکان بەرانبەر بڕینەوەی دارەکان بخیانەتە لە نیشتمان و نەوەکانی داهاتوو، داوا لە حکومەتی هەرێمی کوردستان و ڕێکخراوە ژینگەییەکان دەکەین، لە ئاست ئەم قەیرانەدا بێدەنگ نەبن و بەرپرسیارێتی مێژوویی خۆیان جێبەجێ بکەن.