سەرۆکی مەهەپە رایگەیاند، پرۆسەی ئاشتی و یاسای چوارچێوە پرسێکی سەروو سیاسەتە و پێویستە هەمووان پشتگیریی تەواوی لێ بکەن.
دەوڵەت باخچەلی، سەرۆکی پارتی بزووتنەوەی نەتەوەیی (مەهەپە) لە لێدوانێکدا سەبارەت بە پرۆسەی ئاشتی و ئامادەکارییەکانی یاسای چوارچێوە، جەختی کردەوە پڕۆسەی ئاشتی بەرپرسیارێتییەکی مێژووییە بۆ پاراستنی ئارامی و داهاتووی نەوەکان.
باخچەلی لە وەڵامی پرسیارەکانی راوێژکاری باڵای سەرۆکی مەهەپە، محەممەد حەنیفی ماجید، ئاماژەی بەوە کرد کە ئەم سیاسەتە هەنگاوێکە بۆ دیموکراتیزەکردن و گواستنەوەی برایەتیی هەزار ساڵە بۆ هەزار ساڵەی داهاتوو.
گوتیشی: "بۆ گەیشتن بە ئامانج سورین و هیچ یارییەکی سیاسی ناتوانێت لەم هەنگاوانە پاشەکشەمان پێ بکات."
لە لایەکی ترەوە، رەجەب تەیب ئەردۆغان، سەرۆککۆماری تورکیا باسی لەوە کرد کە کۆمەڵگە متمانەیەکی بەهێزی بە پرۆسەکە هەەیە و بە هاتنی رەشنووسی یاساکە بۆ پەرلەمان، پرۆسەکە خێراتر دەبێت.
هاوکات نەعمەن کورتوڵموش، سەرۆکی پەرلەمانی تورکیا رایگەیاند، پێشبینی دەکرێت پێشنیارە یاساییەکە لە هەفتەی داهاتوودا وەک پڕۆژەیاسایەکی هاوبەشی پارتەکان بێتە پەرلەمان.