دەزگای دادوەری ئێران ڕایگەیاند، بەرەبەیانی ئەمڕۆ سزای لەسێدارەدانی هەریەکە لە عەلی هیمەتی و مەجید نیک ئەندیش، کە لە خۆپیشانەکانی زستانی ڕابردووی ئێران و ڕۆژهەڵاتی کوردستاندا بەشداربوون جێبەجێکرا.
ئاماژەی بەوەشکراوە، ئەو دوو کەسە لەکاتی خۆپیشاندانەکانی ئەم دواییەی ئێران و ڕۆژهەڵاتی کوردستان لە شاری مەشهەد دەستبەسەر کراون و دوای دادگاییکردنیان بە تۆمەتی تێکدانی ئاسایشی نیشتمانی و بەشداریکردنیان لە خۆپیشاندانەکاندا سزای لەسێدارەدانیان بەسەردا سەپێنراوە.
دەشڵێت، بەرەبەیانی ئەمڕۆ سزای لەسێدارەدانی هەردوو خۆپیشاندەرەکە لە زیندانی وەکیل ئابادی مەشهەد جێبەجێکراوە.
ڕێکخراوەکانی مافی مرۆڤی ئێران و ڕۆژهەڵاتی کوردستانیش هۆشدارییان داوەم، لە هەڵکشانی پێشێلکارییەکانی حکومەتی ئێران دژ بە کەسانی ناڕازی لە ناوخۆی وڵاتەکە.