فەرماندەیی ناوەندیی هێزەکانی ئەمەریکا (سێنتکۆم) ڕایگەیاند، هێزە دەریاییەکانی وڵاتەکە لە دەریای عومان بەردەوامن لە جێبەجێکردنی گەمارۆیەکی توندی دەریایی دژی ئێران و تاوەکو 23ی ئاب، رۆتای 70 کەشتیی بازرگانی گۆڕدراوە.
سێنتکۆم ڕۆژی یەکشەممە (23ی ئابی 2026) لە ڕێگەی تۆڕی کۆمەڵایەتیی (ئێکس)، دوایین ئامار و پەرەسەندنە سەربازییەکانی پەیوەندیدار بە ئۆپەراسیۆنی هێزە دەریاییەکانی لە دەریای عومان دژی هەناردە و بازرگانیی دەریاییی ئێران بڵاوکردەوە.
بەگوێرەی ڕاگەیەندراوە فەرمییەکەی سەنتکۆم، لە چوارچێوەی جێبەجێکردنی گەمارۆی دەریایی سەر ئێراندا و تاوەکو 23ی ئاب، ڕێگری لە تێپەڕبوونی 70 کەشتیی بازرگانی کراوە و ئاراستەی جووڵەکەیان بە زۆر گۆڕدراوە؛
هەروەها بەهۆی پابەند نەبوون بە بڕیارەکانەوە، 3 کەشتیی بازرگانی پەکخراون.
هێزە دەریاییەکانی ئەمەریکا چوونەتە سەر 2 کەشتیی دیکەش و پشکنینی وردیان بۆ ئەنجام داون بۆ دڵنیابوونەوە لەوەی هیچ شتمەکێکی قەدەغە یان نەوت کە پەیوەندیی بە ئێرانەوە هەبێت هەڵناگرن.
لە راگەیەندراوەکەدا ئەوەش خراوەەڕوو کە کەشتیی جەنگیی (USS John Finn - DDG 113) نێردراوەتە دەریای عومان و ئەرکی جێبەجێکردنی گەمارۆی دەریایی سەر ئێران بەڕێوەدەبات.