تۆم باراک،نیردەی تایبەتی دۆناڵد ترمپ بۆ کاروباری ڕۆژهەلاتی ناوەڕاست لە پەیامێکدا ڕایگەیاند، لەژێر سەرکردایەتییە بوێرەکەی دۆناڵد ترەمپ، سەرۆک کۆماری ئەمریکادا، کۆبوونەوەی ئەمڕۆ لەگەڵ عەلی زەیدی، سەرۆک وەزیرانی عێراق وەرچەرخانێکی مێژوویی و گرنگە.
باراک جەخت دەکاتەوە کە داهاتووی پەیوەندییەکانی نێوان ئەمریکا و عێراق لە وەبەرهێنان، بازرگانی و دەرفەتی ئابووریدایە، نەک تەنیا هاوکارییە ئەمنییەکان.
باراک ئاماژەی بە پێگەی ستراتیژیی عێراق دا لە ناوچەکەدا و نووسیویەتی: "عێراق لە ناوەندی ڕۆژهەڵاتی ناوەڕاستدایە و پێگەیەکی بێوێنەی هەیە بۆ بەستنەوەی ناوچەکە بە یەکدییەوە، ئەمەش لە ڕێگەی تێکەڵبوونی قووڵتر لەگەڵ وڵاتانی ئەنجوومەنی هاریکاریی کەنداو، تورکیا، سووریا، ئوردن، ئاسیای ناوەڕاست، بەڵکان و قەوقاز."
هاوکات هێمای بۆ ئەوە کردووە کە ئەم قۆناغە هاوتایە لەگەڵ "ڕاکێشانی هێڵی نوێی بۆرییەکانی وزە و دروستکردنی ڕێگای نوێ بەرەو پێشکەوتن"، چونکە عێراقێکی ئاوەدانتر و پێشکەوتووتر بەواتای ناوچەیەکی سەقامگیرتر دێت،
ئەمەش دەبێتە هۆی ڕەخساندنی دەرفەتی ناوازە و تایبەت بۆ کۆمپانیا و کەرتی بازرگانیی ئەمریکی.