وەزیری بەرگریی ئیسرائیل: ژێرخانی ئابووریی ئێران وێران دەکەین
یسرائیل کاتز، وەزیری بەرگریی ئیسرائیل ڕایگەیاند سوپای وڵاتەکەی لە ئامادەباشیی تەواودایە و هۆشداری دا ئەگەر ئێران بە هەر هۆکارێک یان لە هەر شوێنێکەوە هێرش بکاتە سەر ئیسرائیل، ڕووبەڕووی وەڵامێکی وێرانکەر دەبێتەوە.
وەزیری بەرگریی ئیسرائیل ئاماژەی بەوە کرد بەهۆی ئابلۆقەی ئابووری و فشارە بەردەوامەکانەوە ئەگەری دەستپێشخەریی ئێران هەیە، بەڵام جەختی کردەوە هەر وەڵامدانەوەیەکی ئیسرائیل لە ڕێگەی لێدان لە دامەزراوەکانی وزە و ئابووریی تاران دەبێت.
کاتز دووپاتی کردەوە، بە ئامانجگرتنی دامەزراوەکانی وزە وەک سەرچاوەی دارایی ئامێری جەنگیی ئێران، زەبرێکی گەورە لە ژێرخانی ئەو وڵاتە دەدات کە بە دەیان ساڵ بۆ دواوەی دەباتەوە و پایەکانی دەسەڵاتی تاران لاواز دەکات.