ئەنجوومەنی وەزارەتی پەروەردەی هەرێمی کوردستان لە کۆبوونەوەی خۆیدا ساڵنامەی خوێندنی (2026-2027)ی پەسەند کرد و بڕیاری دا ڕۆژی یەکشەممە، 20ی ئەیلولی 2026، یەکەم ڕۆژی دەستپێکی ساڵی نوێی خوێندن بێت لە سەرجەم قوتابخانەکان.
بە گوێرەی ئامارەکانی وەزارەتی پەروەردە، لە ڕابردوودا یەک ملیۆن و 681 هەزار و 522 قوتابی لە قوتابخانە حکومییەکان و 146 هەزار و 50 خوێندکار لە قوتابخانە تایبەتەکاندا خوێندویانە. هێشتا ئاماری فەرمیی ژمارەی قوتابیانی ئەم ساڵە ڕانەگەیەندراوە.
لە هەرێمی کوردستاندا کۆی گشتیی حەوت هەزار و 585 قوتابخانە هەن، کە شەش هەزار و 957یان حکومی و 628یان ناحکومین.