بەڕێوەبەرایەتیی پۆلیسی هەولێر ڕوونکردنەوەیەکی لەبارەی برینداربوونی کەسێک بە ناوی موکری حسێن یەزدان پەنا بڵاوکردەوە و ڕایگەیاند کە ڕووداوەکە لە ڕێکەوتی ٣ی ئابی ٢٠٢٦ روویداوە.
پۆلیسی هەولێر ئاماژەی بەوە داوە کە دەستبەجێ تیمەکانیان بە هەماهەنگی لەگەڵ بەشی بەڵگەوتاوانی هەولێر دەستیان بە لێکۆڵینەوە کردووە و لە ئەنجامە بەراییەکاندا دەرکەوتووە که ئەو ڕووداوە کردەوەیەکى تیرۆریستی نەبووە.
لە کۆتاییشدا جەخت کراوەتەوە کە لێکۆڵینەوە لە ڕووداوەکە بەپێی ڕێکارە یاساییەکان بەردەوامە.