محەممەد باقر قاليباف، سەرۆکی پەرلەمانی ئێران، ڕەخنەی توند لە هەڵوێستەکانی ئەمریکا دەگرێت و دەڵێت: "هێرشی گەورە لە ڕێگایە... کەچی خێرا دەگوترێت نەخێر، دەیانەوێت دانوستان بکەن: ئەمەش بە "دبلۆماسیی شانۆیی بەردەوام" ناودەبات.
قاليباف لە تۆڕی کۆمەڵایەتیی ئێکس جەخت دەکاتەوە کە بەکارهێنانی"هەڕەشە، شکاندنی بەڵێنەکان و هەواڵی درۆ" وەک کارتێکی فشار، ستراتیژێکی شکستخواردووە.
لە کۆتایی پەیامەکەیدا، سەرۆکی پەرلەمانی ئێران داوا دەکات ڕاستییەکان قبوڵ بکرێن و بەڵێنەکان جێبەجێ بکرین، چونکە بە گوتەی ئەو، ناوچەکە پێویستی بەوە نییە زیاتر شانۆگەریی بۆ بکرێت.